Mareez-e-Ishq Shayari

mareez e ishq, majnoon


Mareez-e-Ishq Ashaar


Beemaar Tere Jee Se Guzar Jaayen To Achchha
Jeete Hain Na Marte Hain Ye Mar Jaayen To Achchha

[Fani Badayuni]

----------------------

Mareez-E-Ishq Par Rahmat Khuda Ki
Marz Badhta Hi Gaya Jyon-Jyon Davaa Ki

[Meer Taqi Meer]

----------------------

Un Ke Dekhe Se Jo Aa Jaati Hai Moonh Pe Raunaq
Vo Samajhte Hain Ki Beemaar Ka Haal Achchha Hai

[Mirza Ghalib]

----------------------

Ab To Beemaar-E-Muhabbat Tere
Qaabil-E-Ghaur Hue Jaate Hain

[Daagh Dehlvi]

----------------------

Ulti Ho Gain Sab Tadbeeren Kuchh Na Dava Ne Kaam Kiya
Aakhir Is Beemari-E-Dil Ne Aakhir Kaam Tamaam Kiya

[Meer Taqi Meer]

----------------------

Aap Uth Rahe Hain Kyoon Mere Aazaar Dekh Kar
Dil Doobte Hain Haalat-E-Beemar Dekh Kar

[Saqib Lucknawi]

----------------------

Gham Se Kahin Najaat Mile Chain Paayen Ham
Dil Khoon Main Nahaae To Ganga Nahaayen Ham

[Daagh]

----------------------

Gar Marz Ho Dawa Kare Koi
Marne Waale Ka Kya Kare Koi

Koste Hain Jale Hue Kya Kya
Apne Haq Main Dua Kare Koi

[Daagh]

----------------------

Ek Saaghar Par Hai Apni Zindegi
Rafta Rafta Is Se Bhi Kam Kya Karen

[Daagh]

----------------------

Kisi Haseena Ke Maasoom Ishq Men "Akhtar"
Javaani Kya Hai Main Sab Kuchh Tabaah Kar Loon Ga

[Akhtar Sheerani]

----------------------

Tark-E-Wafaa Ke Baad Ye Us Ki Adaa Qateel
Mujh Ko Sataaye Koi To Us Ko Buraa Lage

[Qateel]

----------------------

Sabr Toote Huwe Dilon Ka Na Le
Tu Yunhi Dhaan-Paan Hai Pyaare

[Jigar Moradabadi]

----------------------

Yeh Ishq Nahin Aasaan Itna Hi Samajh Leejay
Ek Aag Ka Darya Hai Aur Doob Ke Jaana Hai

[Jigar Moradabadi]

----------------------

Afsaana-E-Aashiq Mein Hai Woh Tool Ke Jis Se
Aaghaaz Ne Dekhi Nahin Anjaam Ki Soorat

[Hairat Allahabadi]

----------------------

Hoon Main Be-Misl, Mera Ishq Bhi Laa-Saani Hai
Main Woh Majnoon Hoon Ke Laila Meri Deevani Hai

[Hairat Allahabadi]

----------------------

Kis Taraf Jaaoon, Kidhar Dekhoon,Kise Aawaaz Doon
Ai Hujoom-E-Na-Muraadi, Jee Bahut Ghabraaye Hai

[Jigar Moradabadi]

----------------------

Yeh Hujoom-E-Gham Yeh Andoh-O-Museebat Dekh Kar
Apni Haalat Dekhta Hoon Un Ki Soorat Dekh Kar

[Jigar Moradabadi]

----------------------

Meri Barbaadiyaan Durust Magar
Too Bata Kya Tujhe Sawaab Mila

[Jigar Moradabadi]

----------------------

Muhabbat Mein Ek Aisa Waqt Bhi Dil Par Guzarta Hai
Ke Aansoo Khushk Ho Jaate Hain Tughyaani Nahin Jaati

[Jigar Moradabadi]

----------------------

Achchhe Eisa Ho Mareezon Ka Khayal Achchha Hai
Hum Mare Jaate Hain Tum Kehte Ho Haal Achchha Hai

[Ameer Meenai]

-----------------------------------------------------------------

Majnun Ashaar


Marg-E-Majnun Pe Aql Gum Hai, ‘Meer’,
Kya Diwaane Ne Maut Paayi Hai!

[Mir Taqi Mir]

--------------------

Main Ne Majnun Pe Ladakpan Mein, ‘Asad’,
Sang Uthaaya Tha Ke Sar Yaad Aaya.

[Mirza Ghalib]

--------------------

Dil Tadpe Hai, Jaan Khape Hai, Haal Jigar Ka Kya Hoga,
Majnun, Majnun, Log Kahen Hain, Kya Majnun Hum Sa Hoga.

[Mir Taqi Mir]

--------------------

Tum Ko Bhi Hum Dikhaayen Ge Majnun Ne Kya Kiya,
Fursat Kasha-Kash-E-Ghum-E-Pinhaan Se Gar Mile.

[Mirza Ghalib]

--------------------

Har Ik Makaan Ko Hai Makeen Se Sharf ‘Asad’,
Majnun Jo Mar Gaya To Jungle Udaas Hai

[Mirza Ghalib]

--------------------

Majnun Ne Shahr Chhora Hai, Sahra Bhi Chhor De,
Nazzaare Ki Hawas Ho To Laila Bhi Chhor De.

[Allama Iqbal]

--------------------

Nisbat Kya In Logon Se Hum Ko, Shahri Ham Deewaane Hum,
Hai Farhaad Ek Aadam-E-Kohi, Majnun Ik Sahraayi Hai.

[Mir Taqi Mir]

--------------------

Qayamat Hai Ke Sun Laila Ka Dasht-E-Qais Mein Aanaa,
Ta’ajjub Se Woh Bola: Yoon Bhi Hota Hai Zamaane Mein.

[Mirza Ghalib]

--------------------

Hamari Daastaan Mein Zikr-E-Qais-O-Koh-Kan Aaya,
Wahan Se Phir Hamaari Daastaan Tak Baat Aa Pahunchi.

[Hari Chand Akhtar]

--------------------

Ek Tha Majnun, Aashiq-E-Laila, Weerane Mein Maut Huyi,
Aur Agar Tafseel Se Poochho, Yeh Qissa Toolaani Hai.

[Firaq Gorakhpuri]

--------------------

Kabhi Apna Bhi Nazzaara Kiya Hai Tu Ne Ai Majnun!
Ke Laila Ki Tarah Tu Bhi To Hai Mahmal Nasheenon Mein.

[Allama Iqbal]

--------------------

Qais Jungle Mein Akela Hoga, Mujhe Jaane Do,
Khoob Guzregi Mil Baithenge Jab Deewaane Do.

--------------------

Ghazalaan Tum To Waqif Ho, Kaho Majnun Ke Marne Ki,
Diwaana Mar Gaya Aakhir Ko Weeraanon Pe Kya Guzri.

--------------------

Post a Comment

1 Comments

  1. Mareez ishq hn dawa aur naseehat kb asar rakti hy
    Noori ki shifa ke lye bs mehbob ki nigah asar rakti hy

    ReplyDelete

–>