Tasveer Shayari

tasveer shayari


Tasveer Kyon Dikhaayen Tumhen Naam Kyon Bataayen
Laaye Hain Ham Kisi Se Kisi Bevafaa Ki Hai

[Bekhud Dehlvi]

****************************************


Ham Ne Dikhaa Dikhaa Teri Tasveer Jaa-Ba-Jaa
Har Ik Ko Apni Jaan Ka Dushman Banaa Liyaa

[Jagannath Azad]

****************************************


Aap Ne Tasveer Bheji Main Ne Dekhi Ghaur Se
Har Ada Achchhi Khamoshi Ki Ada Achchhi Nahin

[Jaleel Manikpuri]

****************************************


Taab-E-Nazzaara Nahin Aaina Kya Dekhne Doon
Aur Ban Jayenge Tasveer Jo Hairaan Honge

[Momin Khan Momin]

****************************************


Khushaamad Ai Dil-E-Betaab Is Tasveer Ki Kab Tak
Ye Bolaa Chaahti Hai Par Na Bole Gi Na Boli Hai

[Ameer Meenai]

****************************************


Lagtaa Hai Kai Raaton Se Jaagaa Tha Musavvir
Tasveer Ki Aankhon Se Thakan Jhaank Rahi Hai

[Unknown]

****************************************


Teri Tasveer Se Karta Tha Baaten
Mere Ghar Men Aaina Nahin Tha

[Majaz]

****************************************


Dekh Ke Jis Ko Dil Dukhata Tha
Vo Tasveer Jalaa Di Ham Ne

[Farhat Shehzad]

****************************************


Jalva Na Ho Maani Ka To Soorat Ka Asar Kya
Bulbul Gul-E-Tasveer Ka Shaida Nahin Hota

[Unknown]

****************************************


Haadise Aur Bhi Guzre Teri Ulfat Ke Sivaa
Haan Mujhe Dekh Mujhe Ab Meri Tasveer Na Dekh

[Majrooh Sultanpuri]

****************************************


Naqsh Fariyaadi Hai Kis Ki Shokhi-E-Tahreer Ka
Kaaghazi Hai Pairahan Har Paikar-E-Tasveer Ka

[Mirza Ghalib]

****************************************


Chand Tasveer-E-Butaan Chand Hasinon Ke Khutoot
Baad Marne Ke Mere Ghar Se Ye Saamaan Niklaa

[Mirza Ghalib]

****************************************


Dil Gaya Tha To Ye Aankhen Bhi Koi Le Jaataa
Main Faqat Ek Hi Tasveer Kahaan Tak Dekhoon

[Ahmed Nadeem Qasmi]

****************************************


Meri Tasveer Mein Rang Aur Kisi Kaa To Nahin
Gher Len Mujh Ko Sab Aa Ke Main Tamaasha To Nahin

[Unknown]

****************************************


Ham Un Ki Tasveer Dil Men Chhipaaye Baithe Hain
Veeraan Zindagi Mein Ek Gul Khilaaye Baithe Hain

[Unknown]

****************************************


Maanind-E-Aks Dekha Use Aur Na Mil Sake
Kis Roo Say Phir Kahenge Ke Roz-E-Visaal Thaa

[Mir Hasan]

****************************************


Sunaat Ke Musavvir Ne Sabaahat Ke Safeh Par
Tasveer Banaai Hai Tere Noor Ko Hal Kar

[Wali Deccani]

****************************************


Uroos-E-Maanaa Ki Tasveer Khainch Aati Hai 'Sauda' Ko
Koi Khaatir Mein Us Ki Maani-O-Behzad Aataa Hai

[Mohammed Rafi Sauda]

****************************************


Rahe Hain Naqsh Mere Chashm-O-Dil Par Yoon Teri Soorat
Musavvir Ki Nazar Mein Jis Tarah Tasveer Phirti Hai

[Hasrat Azeemabadi]

****************************************


Muddaton Pahle Jab Tujh Se Taarruf Bhi Na Tha
Teri Tasveer Banaate The Khayaalat Mere

[Unknown]

****************************************


Teri Soorat Se Nahin Milti Kisi Ki Soorat
Ham Jahaan Mein Teri Tasveer Liye Phirte Hain

[Nasikh]
 
****************************************


Ghalat Hai Aap Na The Ham-Kalaam Khalvat Men
Adoo Se Aap Ki Tasveer Bolti Hogi

[Riaz Khairabadi]

****************************************


Lab-E-Khaamosh Se Izhaar-E-Tamannaa Chaahe
Ghark Hone Ko Bhi Tasveer Ka Lahjaa Chaahe

[Unknown]

****************************************


Javaani Kya Hai Goya Ek Tasveer-E- Muhabbat Ke
Jis Mein Rangon Ki Evaz Khoon-E-Jigar Bharte Hain

[Unknown]

****************************************


Bane Huye Hain Woh Mehfil Mein Soorat-E-Tasveer
Har Ek Ko Yun Gumaan Hai Ki Idhaar Ko Dekhte Hain

[Daagh Dehlvi]

****************************************


Mila Jawaab Ke Tasveer-Khaana Hai Duniya
Shab-E-Daraaz Ad'm Ka Fassaana Hai Duniya

[Iqbal]

****************************************


Tasveer Hai Khinchi Hui Naaz-O-Niyaaz Ki
Main Sar Jhukaaye Aur Woh Khanjar Liye Huwe

[Iqbal Azeem]

****************************************


Koi Din To Us Pe Kya Taswir Ka Aalam Raha
Har Koi Hairat Ka Putla Dekh Kar Ban Jaae Tha

Momin

****************************************


Ahd-E-Gum-Gashta Ki Tasveer Dikhaati Kyon Ho?
Ek Aawaara-E-Manzil Ko Sataati Kyon Ho?

[Sahir Ludhianvi]

****************************************


Tasveer Hai Khinchi Hui Naaz-O-Niyaaz Ki
Main Sar Jhukaaye Aur Woh Khanjar Liye Huwe

[Asghar Gondvi]

****************************************


Ye Baat Alag Haath Kalam Ho Gaye Apne
Ham Aap Ki Tasveer Banaanaa Nahin Bhoole

[Saghar Azmi]

****************************************


Tum Saraapa Ho Surat-E-Tasveer
Tum Se Phir Baat Kya Kare Koi

Jis Main Laakhon Baras Ki Huren Hon
Aisi Jannat Ko Kya Kare Koi

[Daagh]

****************************************


Aaj Sadkon Pe Tasveer Banate Rahe
Ungliyan Toot Chuki Jab Yeh Hunar Aaya Tha

[Rahat Indori]

****************************************


Insaan Ki Tasveer Nayi Ho Ke Puraani,
Matloob Mujhe Husn Hai Aur Husn-E-Ma’ani,

[Hafeez Jaladhri]

****************************************


Firdaus Badaman Hai Har Naqsh-E-Khayal In Ka
Yeh Shaan-E-Tassavur Hai Tasveer Ko Kya Kahiye

[Fani Badayuni]

****************************************


Bane Huye Hain Woh Mehfil Mein Soorat-E-Tasveer
Har Ek Ko Yeh Gumaan Hai Ki Idhar Ko Dekhte Hain

[Daagh]

****************************************

Post a Comment

0 Comments

–>