Firaq - Ghair Kyaa Jaaniye Kyon Mujh Ko Buraa Kahte Hain

Ghair Kyaa Jaaniye Kyon Mujh Ko Buraa Kahte Hain
Aap Kahte Hain Jo Aisaa To Bajaa Kahte Hain

Vaaqai Tere Is Andaaz Ko Kyaa Kahate Hain
Na Vafaa Kahte Hain Jis Ko Na Jafaa Kahte Hain

Ho Jinhen Shak Vo Karen Aur Khudaaon Ki Talaash
Ham To Insaan Ko Duniyaa Kaa Khudaa Kahte Hain

Teri Soorat Nazar Aai Teri Soorat Se Alag
Husn Ko Ahal-E-Nazar Husn-Numaa Kahte Hain

Shikavaa-E-Hijr Karen Kis Dil Se
Ham Khud Apne Ko Bhi Apne Se Judaa Kahte Hain

Teri Rudaad-E-Sitam Kaa Hai Bayaan Naa-Mumkin
Faayadaa Kyaa Hai Magar Yoon Zaraa Kahte Hain

Log Jo Kuchh Bhi Kahen Teri Sitam-Koshi Ko
Ham To In Baaton Ko Achchhaa Na Buraa Kahte Hain

Auron Kaa Tajurbaa Jo Kuchh Ho Magar Ham To "Firaq"
Talkhi-E-Zist Ko Jine Kaa Mazaa Kahate Hain

    ------------------------