Ghalib - Dard Minnatkashe-Davaa Na Huaa

Dard Minnat-Kash-e-Davaa Na Huaa
Main Na Achchaa Huaa, Buraa Na Huaa

Jamaa Karate Ho Kyon Raqibo’n Ko
Ik Tamaashaa Huaa Gilaa Na Huaa

Ham Kahaan Qismat Aazamane Jaaye’n
Too Hi Jab Khanjar Aazamaa Na Huaa

Kitne Sheereen Hain Tere Lab Ke Raqib
Gaaliyaan Khaa-ke, Bemazaa Na Huaa

Hai Khabar Garm Unke Aane Ki
Aaj Hi Ghar Mein Boriya Na Huaa

Kyaa Wo Namrood Ki Khudaai Thi
Bandagi Mein Mera Bhalaa Na Huaa

Jaan Di, Di Hui, Usee Ki Thee
Haq To Yoon Hai Ke Haq Adaa Na Huaa

Zakhm Gar Dab Gayaa Lahoo Na Thamaa
Kaam Gar Ruk Gaya Ravaa Na Huaa

Rahazani Hai Ki Dilsitaanee Hai
Leke Dil, Dilsitaan Ravaa Na Huaa

Kuchch To Padhiye Ki Log Kahate Hai’n
Aaj 'Ghalib' Ghazal-Saraa Na Huaa

--------------------------