Ye Din Bahaar Ke Ab Ke Bhi Raas Na Aa Sake
Ki Gunche Khil To Sake Khil Ke Muskuraa Na Sake
Meri Tabaahi Dil Par To Raham Khaa Na Saki
Jo Raushani Mein Rahe Raushani Ko Paa Na Sake
Na Jaane Aah Ki Un Aansuon Pe Kyaa Guzri
Jo Dil Se Aankh Tak Aaye Mishgaan Tak Aa Na Sake
Rahen Khuloos-E-Muhabbat Ke Haadasaat Jahaan
Mujhe To Kyaa Mere Naqsh-E-Qadam Mitaa Na Sake
Karenge Mar Ke Baqaa-E-Dawaam Kyaa Haasil
Jo Zindaa Rah Ke Muqaam-E-Hayaat Paa Na Sake
Nayaa Zamaanaa Banaane Chale The Divaane
Nai’ Zameen, Nayaa Aasamaan Banaa Na Sake
---------------------------
0 Comments