Majaz - Meri Waffa Ka Tera Lutf Bhi Jawaab Nahin

Meri Waffa Ka Tera Lutf Bhi Jawaab Nahin
Mere Shabaab Ki Qeemat Tera Shabaab Nahin

Yeh Maahtaab Nahin Hai Ki Aaftab Nahin
Sabhi Hai Husn, Magar Ishq Ka Jawaab Nahin

Meri Nigah Mein Jalwe Hain Jalwe Hi Jalwe
Yahan Hijaab Nahin Hai, Yahan Naqaab Nahin

Junoon Bhi Hadh Se Siva, Shauq Bhi Hai Hadh Se Siva
Yeh Baat Kya Hai Ki Main Moored-E-Ataab Nahin

Yahan To Husn Ka Dil Bhi Hai Gham Se Sad-Paara
Main Kaamyaab Nahin Voh Bhi Kamyaab Nahin

Yahan To Raat Ki Bedaariyan Musallam Hain
Magar Vahan Bhi Hasin Ankhdiyon Mein Khwaab Nahin

Na Poochhiye Meri Duniya Ko, Meri Duniya Mein
Khud Aaftaab Bhi Zarra Hai Aaftab Nahin

Sabhi Hai Mai-Kade Dahar Mein Khuld Waale
Koi Kharab Nahin Hai Koi Kharab Nahin

'Majaz' Kisko Main Samjhaaun Koi Kya Samjhe
Ki Kamyaab Muhbbat Bhi Kaamyaab Nahin

--------------------------