Majaz - Taskin-E-Dil-E-Mahazoo Na Hui Vo Sai-E-Qaram Faramaa Bhi Gaye

Taskin-E-Dil-E-Mahazoo Na Hui Vo Sai-E-Qaram Faramaa Bhi Gaye
Us Sai-E-Qaram Kaa Kyaa Kahiye Bahalaa Bhi Gaye Tadapaa Bhi Gaye

Ek Arz-E-Vafaa Bhi Kar Na Sake Kuchh Kah Na Sake Kuchh Sun Na Sake
Yahaan Ham Ne Zabaan Hi Khole Thi Vahaan Aankh Jhuki Sharamaa Bhi Gaye

Aashuftagi-E-Vahashat Ki Qasam Hairat Ki Qasam Hasarat Ki Qasam
Ab Aap Kahe Kuchhh Yaa Na Kahe Ham Raaz-E-Tabassum Paa Bhi Gaye

Roodaad-E-Gam-E-Ulfat Un Se Ham Kyaa Kahate Kyonkar Kahate
Ek Harf Na Nikalaa Hothon Se Aur Aankh Men Aansoo Aa Bhi Gaye

Arbaab-E-Junoon Pe Furkat Men Ab Kyaa Kahiye Kyaa Kyaa Guzaraa
Aaye The Savaad-E-Ulfat Men Kuchhh Kho Bhi Gaye Kuchhh Paa Bhi Gaye

Ye Rang-E-Bahaar-E-Aalam Hai Kyaa Fiqr Hai Tujh Ko Ai Saaqi
Mahafil To Teri Suni Na Hui Kuchhh Uth Bhi Gaye Kuchhh Aa Bhi Gaye

Is Mahafil-E-Kaif-O-Masti Men Is Anjuman-E-Irafaani Men
Sab Jaam-Ba-Kaf Baithe Rahe Ham Pi Bhi Gaye Chhhalakaa Bhi Gaye

  -----------------------