Meer - Jo Is Shor Se ‘Meer’ Rota Rahega

Jo Is Shor Se ‘Meer’ Rota Rahega
To Ham-Saaya Kaahe Ko Sota Rahega

Main Wo Ronewala Jahaan Se Chala Hoon
Jise Abr Har Saal Rota Rahega

Mujhe Kaam Rone Se Hardam Hai Naasih
Tu Kab Tak Mere Munh Ko Dhota Rahega

Base Giriya Aankhain Teri Kya Nahin Hain
Jahaan Ko Kahaan Tak Dubta Rahega

Mere Dil Ne Wo Naala Paida Kiya Hai
Jaras Ke Bhi Jo Hosh Khota Rahega

Tu Yun Gaaliyan Ghair Ko Shauq Se De
Hamain Kuch Kahega To Hota Rahega

Bas Ae ‘Meer’ Mizhgaan Se Ponch Aansuon Ko
Tu Kab Tak Ye Moti Pirota Rahega

---------------------------