Bashir Badr - Na Koi Khushi Na Malaal Hai

Na Koi Khushi Na Malaal Hai
Ki Sabhi Ka Ek-Sa Haal Hai
Tere Sukh Ke Din Bhi Gujar Gaye
Meri Gham Ki Raat Bhi Kat Gay

Meri Zindagi Bhi Meri Nahi
Ye Hazar Khanon Mein Bant Gayi
Mujhe Ek Mutthi Zameen De
Ye Zameen Kitni Simat Gayi

Kahin Chand Raahon Mein Kho Gaya
Kahin Chandni Bhi Bhatak Gayi
Main Chirag Woh Bhi Bujha Hua
Meri Raat Kaise Chamak Gayi

Bhala Hum Mile Bhi To Kya Mile
Wahi Dooriyan Wahi Faasle
Na Kabhi Humare Kadam Badhe
Na Kabhi Tumhari Jhijhak Gayi

Tere Hath Se Mere Honth Tak
Vahi Intezar Ki Pyass Hai
Mere Naam Ki Jo Sharab Thi
Kahi Raste Mein Chhalak Gayi

Tujhe Bhool Jane Ki Koshishe
Kabhi Kamyab Na Ho Saki
Teri Yaad Shaak-E-Gulab Hai
Jo Hawa Chali To Lachak Gayi

      ------------------