Daagh - Ajab Apanaa Haal Hotaa Jo Visaal-E-Yaar Hotaa

Ajab Apanaa Haal Hotaa Jo Visaal-E-Yaar Hotaa
Kabhi Jaan Sadaqe Hoti Kabhi Dil Nisaar Hotaa

Na Mazaa Hai Dushmani Men Na Hai Lutf Dosti Men
Koi Ghair Ghair Hotaa Koi Yaar Yaar Hotaa

Ye Mazaa Tha Dillagii Ka Ke Baraabar Aag Lagati
Na Tumhen Qaraar Hotaa Na Hamen Qaraar Hotaa

Tere Waade Par Sitamagar Abhi Aur Sabr Karate
Agar Apani Zindagi Ka Hamen Aitabaar Hotaa

-------------------