Faraz - Gilay Fuzool Thay Ahad-E-Wafaa Ke Hote Huey

Gilay Fuzool Thay Ahad-E-Wafaa Ke Hote Huey,
So Chup Rahaa Sitam-E-Naaravaa Ke Hote Huey,

Ye Qurbaton Men Ajab Faasale Pade Ki Mujhe,
Hai Aashnaa Ki Talab Aashnaa Ke Hote Huey ,

Wo Hi Laaghar Hain Jo Majabooriyaan Shumaar Karen,
Chiraagh Ham Ne Jalaaey Hawa Ke Hote Huey,

Na Kar Kisi Pe Bharosa Ke Kashtiyaan Doobin,
Khuda Ke Hote Huey Naakhudaa Ke Hote Huey,

Kise Khabar Hai Ki Kaasaa-Ba-Dast Phirte Hain ,
Bahut Se Log Saron Par Humaa Ke Hote Huey,

‘Faraz’ Aise Bhi Lamhe Kabhi Kabhi Aaye,
Ki Dil Girafta Rahaa Dil-Rubaa Ke Hote Huey.

-------------------