Peshaaniyon Pe Likhe Muqaddar Nahin Mile - Rahat Indori

Peshaaniyon Pe Likhe Muqaddar Nahin Mile
Dastaar Kahaan Milenge Jahaan Sar Nahin Mile

Aawaragi Ko Doobte Suraj Se Rabt Hai
Magrib Ke Baad Ham Bhi To Ghar Par Nahin Mile

Kal Aaino Ka Jashn Hua Tha Tamaam Raat
Andhe Tamaashbino Ko Patthar Nahin Mile

Main Chaahta Tha Khud Se Mulaqaat Ho Magar
Aaine Mere Qad Ke Baraabar Nahin Mile

Pardes Ja Rahe Ho To Sab Dekhte Chalo
Mumkin Hai Wapas Aao To Ye Ghar Nahin Mile

-----------------------