Qateel - Yon Lage Dost Teraa Mujhase Khafaa Ho Jaanaa

Yon Lage Dost Teraa Mujhase Khafaa Ho Jaanaa
Jis Tarah Phool Se Khushboo Kaa Judaa Ho Jaanaa

Ahal-E-Dil Se Ye Teraa Tark-E-Taalluq
Waqt Se Pahale Asiron Kaa Rihaa Ho Jaanaa

Yon Agar Ho To Jahaan Men Koi Kaafir Na Rahe
Moajuzaa Tere Waade Kaa Wafaa Ho Jaanaa

Zindagi Main Bhi Chaloongaa Tere Pichhe-Pichhe
Too Mere Dost Kaa Naqsh-E-Kaf-E-Paa Ho Jaanaa

Jaane Wo Kaun Si Kaifiyat-E-Gham-Khwaari Hai
Mere Pite Hi "Qateel" Us Ko Nashaa Ho Jaanaa

--------- -----------------