Waseem - Apne Har Har Lafz Ka Khud Aaina Ho Jaaunga

Apne Har Har Lafz Ka Khud Aaina Ho Jaaunga
Us Ko Chota Keh Ke Main Kaise Bada Ho Jaaunga

Tum Giraane Main Lage The Tum Ne Socha Hi Nahin
Main Gira To Maslaa Ban Kar Khada Ho Jaaunga

Mujh Ko Chalne Do Akela Hai Abhi Mera Safar
Rasta Roka Gaya To Qaafila Ho Jaaunga

Saari Duniya Ki Nazar Main Hai Mera Ahad-E-Wafa
Ek Tere Kahne Se Kya Main Bewafa Ho Jaaunga

---------------------