Adam - Tere Dar Pe Vo Aa Hi Jaate Hain

Tere Dar Pe Vo Aa Hi Jaate Hain
Jin Ko Peene Ki Aas Ho Saaqi

Aaj Itni Pilaa De Aankhon Se
Khatm Rindon Ki Pyaas Ho Saaqi

Halka Halka Suroor Hai Saaqi
Baat Koi Zaroor Hai Saaqi

Teri Aankhen Kisi Ko Kya Dengi
Apna Apna Suroor Hai Saaqi

Teri Aankhon Ko Kar Diya Sajda
Mera Pahla Qusoor Hai Saaqi

Tere Rukh Pe Ye Pareshan Zulfen
Ik Andhere Mein Noor Hai Saaqi

Teri Aankhen Kisi Ko Kya Dengi
Apna Apna Suroor Hai Saaqi

Peene Vaalon Ko Bhi Nahin Ma'loom
Maikada Kitni Door Hai Saaqi

---------