Parveen Shakir - Ahle Dil Aur Bhi Hain Ahle Wafa Aur Bhi Hain

Ahle Dil Aur Bhi Hain Ahle Wafa Aur Bhi Hain
Ek Hum Hi Nahin Duniya Se Khafa Aur Bhi Hain

Hum Pe Hi Khatm Nahin Maslak-E-Shureeda-Sari
Chaak-E-Dil Aur Bhi Hain Chak-E-Qaba Aur Bhi Hain

Kya Huwa Gar Mere Yaron Ki Zabaanen Chup Hain
Mere Shahid Mere Yaaron Ke Siwa Aur Bhi Hain

Sar Salamat Hain To Kya Sang-E-Malamat Ki Kami
Jaan Baaqi Hai To Paikan-E-Qaza Aur Bhi Hain

Munsif-E-Shehr Ki Wahdat Pe Na Harf Aaye
Log Kahte Hain Ke Arbab-E-Jafa Aur Bhi Hain.

-------------------------