Ahmad Nadeem Qasmi - Marun To Main Kisi Chehre Mein Rang Bhar Jaaun

Marun To Main Kisi Chehre Mein Rang Bhar Jaaun
`Nadeem` Kaash Yahi Ek Kaam Kar Jaun

Ye Dasht-E-Tark-E-Muhabbat Ye Tere Qurb Ki Pyaas
Jo Izaan Ho To Teri Yaad Se Guzar Jaaun


Mera Vajood Meri Rooh Ko Pukaarta Hai
Teri Taraf Bhi Chalun To Thahar Thahar Jaaun

Tere Jamaal Ka Paratau Hai Sab Haseenon Par
Kahan Kahan Tujhe Dhoondhun Kidhar Kidhar Jaaun


Main Zinda Tha Ki Tera Intazaar Khatm Na Ho
Jo Too Mila Hai To Ab Sochta Hun Mar Jaaun

Ye Sochataa Hun Ki Main Butparast Kyun Na Huaa
Tujhe Qareeb Jo Paaun To Khud Se Dar Jaaun

Kisi Chaman Mein Bas Is Khauf Se Guzar Na Huaa
Kisi Kali Pe Na Bhoole Se Paanv Dhar Jaaun

Ye Ji Mein Aati Hai Takhleeq-E-Fan Ke Lamhon Mein
Ki Khun Ban Ke Rag-E-Sang Mein Utar Jaaun

    -----------------------