Hasrat Mohani - Raushan Jamaal-E-Yaar Se Hai Anjuman Tamaam

Raushan Jamaal-E-Yaar Se Hai Anjuman Tamaam
Dahakaa Huaa Hai Aatish-E-Gul Se Chaman Tamaam

Hairat Ghuroor-E-Husn Se Shokhi Se Iztaraab
Dil Ne Bhi Tere Sikh Liye Hain Chalan Tamaam

Allaah Re Husn-E-Yaar Ki Khoobi Ke Khud-Ba-Khud
Ranginiyon Men Doob Gayaa Pairahan Tamaam

Dekho To Husn-E-Yaar Ki Jaadoo Nigaahiyaan
Behosh Ik Nazar Men Hui Anjuman Tamaam

---------------------