Javed Akhtar - Yahi Haalaat Ibtadaa Se Rahe

Yahi Haalaat Ibtadaa Se Rahe
Log Hamse Khafaa Khafaa Se Rahe

Bevafaa Tum Kabhi Na The Lekin
Ye Bhi Sach Hai Ki Bevafaa Se Rahe

In Chiraaghon Men Tel Hi Kam Thaa
Kyon Gilaa Phir Hamen Havaa Se Rahe

Bahas, Shatranj, Sher, Mausiqi
Tum Nahin Rahe To Ye Dilaase Rahe

Us Ke Bandon Ko Dekh Kar Kahiye
Ham Ko Ummid Kyaa Khudaa Se Rahe

Zindagi Ki Sharaab Maangte Ho
Ham Ko Dekho Ki Pi Ke Pyaase Rahe

----------------------