Parveen Shakir - Isi Men Khush Hoon Meraa Dukh Koi To Sahtaa Hai

Isi Men Khush Hoon Meraa Dukh Koi To Sahtaa Hai
Chali Chaloon Ki Jahaan Tak Ye Saath Rahtaa Hai

Zamin-E-Dil Yoon Hi Shaadaab To Nahin Ai Dost
Qarib Men Koi Dariyaa Zaroor Bahtaa Hai

Na Jaane Kaun Saa Fiqraa Kahaan Raqm Ho Jaaye
Dilon Kaa Haal Bhi Ab Kaun Kis Se Kahtaa Hai

Mere Badan Ko Nami Khaa Gai Ashkon Ki
Bhari Bahaar Men Jaise Makaan Dahtaa Hai

-------------------