Parveen Shalir -Nazm- Ye Haseen Shaam Apni

Ye Haseen Shaam Apni
Ye Haseen Shaam Apni
Abhi Jiss Mein Ghul Rahi Hai
Tere Pairaahan Ki Khushboo
Abhi Jiss Mein Khil Rahe Hein
Mere Khwaab Ke Shagoofe
Zara Der Ka Hai Manzar

Zara Der Mein Ufaq Par
Khile Ga Koi Sitaara
Teri Simt Dekh Kar Woh
Kare Ga Koi Ishaara
Tere Dil Ko Aaye Ga Phir
Kisi Yaad Ka Bulaawa
Koi Qissa-E-Judaai, Koi Kaar-E-Na-Mukammal
Koi Khwaab-E-Na-Shagufta, Koi Baat Kahne Wali

Humein Chaahiye Tha Milna
Kisi Ahad-E-Mehrbaan Mein
Kisi Khwaab Ke Yaqeen Mein
Kisi Aur Aasmaan Par
Kisi Aur Sarzameen Mein
Humein Chaahiye Tha Milna

-----------