Zauq - Neemchaa Yaar Ne Jis Vaqt Baghal Men Maaraa

Neemchaa Yaar Ne Jis Vaqt Baghal Men Maaraa,
Jo Chadhaa Moonh Use Maidaan-E-Ajal Men Maaraa,

Us Lab-O-Chashm Se Hai Zindagi-O-Maut Apni,
Kab-Kabhi Pal Men Jilaayaa Kabhi Pal Men Maaraa,

Ajal Aai Na Shab-E-Hijr Men Aur Ham Ko Falak,
Be-Ajal Too Ne Tamannaa-E-Ajal Men Maaraa,

Aankh Se Aankh Hai Ladti Mujhe Dar Hai Dil Kaa,
Kahin Ye Jaaye Na Is Jang-O-Jadal Men Maaraa,

Na Huaa Par Na Huaa Meer Kaa Andaaz Naseeb,
'Zauq' Yaaron Ne Bahut Zor Ghazal Men Maaraa

-------------------