Keeje Na Das Men Baith Kar Aapas Ki Baat Cheet
Pahunchegi Das Hazaar Jagaah Das Ki Baat Cheet
Kab Tak Rahen Khaamosh Ke Zaahir Se Aap Ki
Ham Ne Bahut Suni Kas-O-Naakas Ki Baat Cheet
Muddat Ke Baad Hazrat-E-Naaseh Karam Kiyaa
Farmaaiye Mizaaj-E-Muqaddas Ki Baat Cheet
Par Tark-E-Ishq Ke Liye Izhaar Kuchh Na Ho
Main Kyaa Karoon Nahin Ye Mere Bas Ki Baat Cheet
Kyaa Yaad Aa Gayaa Hai "Zafar" Panjaa-E-Nigaar
Kuchh Ho Rahi Hai Band-O-Mukhammas Ki Baat Cheet
---------------------
0 Comments