Allama Iqbal - Na Tu Zameen Ke Liye Hai ,Na Aasmaan Ke Liye

Na Tu Zameen Ke Liye Hai ,Na Aasmaan Ke Liye
Jahaan Hai Tere Liye, Tu Nahin Jahaan Ke Liye

Yeh Aql-O-Dil Hain Sharar Shola-E-Mohabbat Ke
Woh Khaar-O-Khass Ke Liye Hai, Yeh Neestaan Ke Liye

Muqaam-E-Parvarish-E-Aah-O-Naala Hai Yeh Chaman
Na Sair-E-Gul Ke Liye Hai, Na Aashiyan Ke Liye

Rahe Ga Raavi-O-Neel-O-Firaat Mein Kab Tak
Tera Safeena Ke Hai Behr-E-Be-Karaan Ke Liye

Nishaan-E-Rah Dikhaate The Jo Sitaaron Ko
Taras Gaye Hain Kisi Mard-E-Rah-Daan Ke Liye

Nigah-E-Buland, Sukhan Dil Nawaaz, Jaan Pur-Soz
Yehi Hai Rakht-E-Safar Meer-E-Kaarwaan Ke Liye

Zara Si Baat Thi, Andesha-E-Ajam Ne Usse
Badha Diya Hai Faqat Zeb-E-Daastaan Ke Liye

Mere Guloo Mein Hai Ik Naghma-E-Jibraeel-E-Aashoob
Sanbhaal Kar Jisse Rakhaa Hai Laa-Makaan Ke Liye

------------------------