Parveen Shakir- Tujh Se Koi Gilaa Nahin Hai

Tujh Se Koi Gilaa Nahin Hai
Qismat Mein Meri Silaa Nahin Hai

Bichad Ke To Na Jaane Kya Haal Ho
Jo Shakhs Abhi Mila Nahin Hai

Jeene Ki To Aarzu Hi Kab Thi
Marne Ka Bhi Hausla Nahin Hai

Jo Zeest Ko Mu’tabir Bana De
Aisa Koi Silsila Nahin Hai

Khushboo Ka Hisaab Ho Chuka
Aur Phool Abhi Khila Nahin Hai

Sershaari-E-Rehbari Main Dekha
Peechhe Mera Qaafilla Nahin Hai

Ek Thes Pe Dil Ka Phoot Behna
Chhoone Mein To Aabla Nahin Hai

----------------