Dekha To Tha Yoon Hi Kisi Ghaflat-Sheyaar Ne
Deevana Kar Diyaa Dil-E-Be-Ikhtiyaar Ne
Ai Aarzoo Ke Dhundle Khwaabon! Javaab Do
Phir Kis Ki Yaad Aayi Thi Mujh Ko Pukaarne
Tum Ko Khabar Nahin, Magar Ik Saadah-Lauh Ko
Barbaad Kar Diyaa Tere Do Din Ke Pyaar Ne
Main Aur Tum Se Tark-E-Muhabbat Ki Aarzoo
Deevaana Kar Diyaa Hai Gham-E-Rozgaar Ne
Ab Ai Dil-E-Tabaah Teraa Kya Khayaal Hai
Ham To Chale The Kaakul-E-Geeti Sanvaarne
----------------------
0 Comments