Iftikhar Arif
Dayaar-E-Noor Mein Teera-Shabon Ka Sathi Ho
Koi To Ho Jo Meri Wahshaton Ka Sathi Ho
Main Us Se Jhooth Bhi Boloon To Mujh Se Sach Bole
Mere Mizaj Ke Sab Mausamon Ka Sathi Ho
Wo Mere Naam Ki Nisbat Se Mo’tabar Thehre
Gali Gali Meri Ruswaaiyon Ka Sathi Ho
Main Us Ke Hath Na Aaoon Wo Mera Ho Ke Rahe
Main Gir Padoon To Meri Pastiyon Ka Sathi Ho
Wo Khwab Dekhe To Dekhe Mere Hawaale Se
Mere Khayalon Ke Sab Manzaron Ka Sathi Ho
----------------------
