Vasl Ke Aish Mein Sab Hijr Ke Gham Bhool Gaye
Yaad Rakhna Tha Hamein Jisko Woh Ham Bhool Gaye
Waada-E-Vasl Qayaamat Mein Bhi Na Hoga Wafa
Waah Bhi Kahiye Ga, ‘Tere Sar Ki Qasam Bhool Gaye’
Na Tamanna-E-Sitam Yahaan Na Wahaan Mashq-E-Jafa
Wo Hamein Bhool Gaye Ab Unhein Ham Bhool Gaye
Kuch Ajab Taur Kati Bekhudi-E-Shauq Mein Raah
Do Qadam Theek Chale Chaar Kadam Bhool Gaye
Le Ke Dil Aap Jigar Chhod Gaye Seene Mein
Ik Raqam Yaad Rahi Ek Raqam Bhool Gaye
--------------------------
