Muhabbat Tark Ki Main Ne Garebaan See Liyaa Main Ne
Zamaane Ab To Khush Ho Zahar Ye Bhi Pee Liyaa Main Ne
Abhi Zindah Hoon Lekin Sochta Rahta Hoon Khalwat Mein
Ke Ab Tak Kis Tamanna Ke Sahaare Jee Liyaa Main Ne
Unhein Apna Nahin Sakta Magar Itnaa Bhi Kya Kam Hai
Ke Kuchh Muddat Hasin Khwaabon Mein Kho Kar Jee Liyaa Main Ne
Bas Ab To Daaman-E-Dil Chhod Do Be-Kaar Ummeedo
Bahut Dukh Sah Liyaa Main Ne Bahut Din Jee Liyaa Main Ne
----------------------------
