Jaun Elia - Dharam Ki Baansuri Sey Raag Nikle

Dharam Ki Baansuri Sey Raag Nikle
Wo Sooraakhon Sey Kaale Naag Nikley

Rakho Dair-O-Haram Ko Ab Muqaffal
Kayi Paagal Yahan Sey Bhaag Nikle

Wo Ganga Jal Ho Ya Ho Aab-E-Zam Zam
Yeh Woh Paani Hain Jin Sey Aag Nikley

Khuda Sey Ley Liya Jannat Ka Waada
Yeh Zaahid To Bade Hi Ghaag Nikley

Hai Aakhir Aadmiyat Bhi Koi Shai
Terey Darbaan To "Bull Daag" Nikley

Yeh Kya Andaz Hai Ai Nukta-Cheeno
Koi Tanqeed To Be-Laag Nikley

Pilaaya Tha Hamein Amrit Kisi Ney
Magar Munh Sey Lahoo Ke Jhaaag Nikley

----------------------------