Jaun Elia - Tishnagi Ne Saraab Hi Likha

Tishnagi Ne Saraab Hi Likha
Khwab Dekha Tha Khwab Hi Likha

Hum Ne Likha Nisaab-E-Teera Shabi
Aur Ba-Sadd Aab-O-Taab Hi Likha

Manshyaan-E-Shahood Ne Taa-Haal
Zikr-E-Ghaib-O-Hijaab Hi Likha

Na Rakha Hum Ne Besh-O-Kam Ka Hisaab
Shauq Ko Be-Hisaab Hi Likha

Dosto! Hum Ne Apna Haal Usey
Jab Bhi Likha, Kharaab Hi Likha

Na Likha Us Ne Koi Bhi Maktoob
Phir Bhi Hum Ne Jawaab Hi Likha

Hum Ne Is Shahr-E-Deen-O-Daulat Mein
Maskharon Ko Janaab Hi Likha

---------------------------