Jayn Elia - Jo Haal Kheiz Ho Dil Ka , Woh Haal Hai Bhi Nahin

Jo Haal Kheiz Ho Dil Ka , Woh Haal Hai Bhi Nahin
Fughaan Ke Ab Woh Malaal-E-Malaal Hai Bhi Nahin

Tu Aa Ke Be-Sarokaaraana Maar Daal Mujhey
Ke Teigh Thi Bhi Nahin Aur Dhaal Hai Bhi Nahin

Mera Zawaal Hai Uss Ke Kamaal Ka Haasil
Mera Zawaal To Mera Zawaal Hai Bhi Nahin

Kiya Tha Jo Lab-E-Khooneen Sey Uss Pe Main Ne Sukhan
Kamaal Tha Bhi Nahin Aur Kamaal Hai Bhi Nahin

Wo Ik Ajeeb Zuleikha Hai Yaani Be-Yousuf
Hamaarey Misr Mein Uski Misaal Hai Bhi Nahin

Jo Tera Jalwa Hai Woh Baam Par Hi Sajta Hai
Main Khalwati Hoon, Tu Mera Sawaal Hai Bhi Nahin

Tu Ek Kuhna Mataa-E-Dukaan-E-Sharm Hai,Sharm
Tere Badan Ka Koi Haal, Haal Hai Bhi Nahin

Woh Kya Thi Ek Uroos-E-Hazaar Shauhar Thi
So Ab Mujhey Gham-E-Hijr-O-Visaal Hai Bhi Nahin

Teri Gali Mein To Koorey Ke Dheir Hain Jab Sey
Teri Gali Mein Kameenon Ka Kaal Hai Bhi Nahin

---------------------------