Jaun Elia - Sharmindagi Hai Hum Ko Bahot

Sharmindagi Hai Hum Ko Bahot Hum Mile Tumhein
Tum Sar-Ba-Sar Khushi They Magar Gham Mile Tumhein
   
Main Apne Aap Mein Na Mila Is Ka Gham Nahin
Gham To Yeh Hai Ke Tum Bhi Bahot Kam Mile Tumhein

Tum Ko Jahan-E-Shauq-O-Tamanna Mein Kya Mila
Hum Bhi Mile To Darham-O-Barham Mile Tumhein

Main Un Mein Aaj Tak Kabhi Paaya Nahin Gaya
Jaanaan! Jo Mere Shauq Ke Aalam Mile Tumhein 

Tum Ne Hamaare Dil Mein Bahot Din Safar Kiya
Sharminda Hain Ke Us Mein Bahot Kham Mile Tumhein 

Yoon Ho Ke Aur Hi Koi Hawwa Mile Mujhe
Yoon Ho Ke Aur Hi Koi Aadam Mile Tumhein

-----------------------------