Jaun Elia - Shauq Ka Rang Bujh Gaya

Shauq Ka Rang Bujh Gaya, Yaad Ke Zakhm Bhar Gaye
Kya Meri Fasl Ho Chuki, Kya Mere Din Guzar Gaye

Reh Guzar-E-Khayaal Mein Dosh Ba-Dosh They Jo Log
Waqt Ki Girdbaad Mein Jaane Kahaan Bikhar Gaye

Shaam Hai Kitni Be-Tapaak, Shahr Hai Kitna Sahamnaak
Hum-Nafaso ! Kahaan Ho Tum, Jaane Yeh Sab Kidhar Gaye

Pas-E-Hayaat Ka Khayaal Hum Ko Bahut Bura Laga
Pass Ba-Hujoom-E-Maareka Jaan Ke Be-Sipar Gaye

Main To Safon Ke Darmiyaan Kab Se Pada Hoon Neem-Jaan
Mere Tamaam Jaan-Nisaar Mere Liye To Mar Gaye

Aaj Ki Shaam Hai Ajeeb, Koi Nahin Mere Qareeb
Aaj Sab Apne Ghar Rahe, Aaj Sab Apne Ghar Gaye

Khwab-E-Talaai-E-Khayaal, Dil Ka Ziyaan Tha Aur Malaal
Hosh Ke Bawajood Hum Khwaab-O-Khayaal Par Gaye

Samt-E-Zamarrudeen-E-Dil Khud Se Hai Kya Bahut Khajil
Hum Jo Gumaan-E-Zard Mein Ghar Se Gaye Na Ghar Gaye

Thaa Jo Nafas Nafas Ka Run, Us Mein thi Sorish-E-Bazan
Zakhm Baghair Waan Se Hum Khoon Mein Tar-Ba-Tar Gaye

Shahid-E-Roz-E-Waqeya Soorat-E-Majera Hai Kya
Kitne Jaththe Bikhar Gaye, Kitne Hujoom Marr Gaye

Raunaq-E-Bazm-E-Zindagi, Turfa Hain Tere Log Bhi
Ek To Kabhi Na Aaye They, Aaye To Rooth Kar Gaye

Khush-Nafsaan-E-Be-Nawa, Be-Khabraan-E-Khush Ada
Tera Naseeb They Magar, Shahar Mein Naam Kar Gaye

Aap Mein ‘Jaun Elia’, Sochiye Ab Dharaa Hai Kya
Aap Bhi Ab Sidhaariye, Aap Ke Chaara-Gar Gaye

-----------------------------------