Jaun Elia - Waqt Darmaan-Pazir Tha Hi Nahin



Waqt Darmaan-Pazir Tha Hi Nahin
Dil Lagaaya Tha Dil Lagaa Hi Nahin

Tark-E-Ulfat Hai Kis Qadar Aasaan
Aaj To Jaise Kuch Huaa Hi Nahin

Hai Kahaan Mauj-E-Saba Woh Shamim
Jaise Tu Mauj-E-Sabaa Hi Nahin

Jis Se Koi Khata Hui Ho Kabhi
Hum Ko Woh Aadmi Milaa Hi Nahin

Woh Bhi Kitna Kathan Raha Hoga
Jo Ke Achcha Bhi Tha, Buraa Hi Nahin

Koi Dekhe To Meri Hujra-E-Zaat
Yaan Sabhi Kuchh Woh Tha Jo Thaa Hi Nahin

Ek Hi Apna Milney Waala Tha
Aisa Bichhda Ke Phir Milaa Hi Nahin

-------------------------