Jaun Elia-Dil Ko Ek Baat Keh Sunani Hai

 

Dil Ko Ek Baat Keh Sunani Hai

Saari Duniya Faqat Kahani Hai

Tu Meri Jaan-E-Daastaan Tha Kabhi

Ab Tera Naam Daastaani Hai

Sah Chuke Zakhm-E-Iltifat Tera

Ab Teri Yaad Aazmani Hai

Ek Taraf Dil Hai Ek Taraf Duniya

Yeh Kahani Bahut Purani Hai

Tha Sawal Un Udaas Aankhon Ka

Zindagi Kya Nahin Ganwani Hai

Kya Bataun Main Apna Paas-E-Ana

Main Ne Hans Hans Ke Haar Mani Hai

Hawas-Angez Hai Badan Tera

Haaye Meri Hawas Ke Fani Hai

Roz-Marrah Hai Zindagi Ka Ajeeb

Raat Hai Aur Neend Aani Hai

Zindagi Kis Tarah Guzaarun Main

Mujh Ko Rozi Nahin Kamaani Hai

-----------------------